ਮਨੋਰੰਜਨ ਜਗਤ ਤੋਂ ਇੱਕ ਦੁਖਦਾਈ ਖ਼ਬਰ ਸਾਹਮਣੇ ਆਈ ਹੈ। ਮਸ਼ਹੂਰ ਕਾਮੇਡੀਅਨ ਰਾਕੇਸ਼ ਪੁਜਾਰੀ ਨੇ ਸਿਰਫ 33 ਸਾਲ ਦੀ ਉਮਰ ਵਿੱਚ ਅਚਾਨਕ ਦਿਲ ਦੇ ਦੌਰੇ ਕਾਰਨ ਆਪਣੀ ਜ਼ਿੰਦਗੀ ਗੁਆ ਦਿੱਤੀ। ਉਨ੍ਹਾਂ ਦੀ ਅਕਾਲ ਮੌਤ ਨੇ ਉਨ੍ਹਾਂ ਦੇ ਪ੍ਰਸ਼ੰਸਕਾਂ, ਸਹਿਯੋਗੀਆਂ ਅਤੇ ਪਰਿਵਾਰਕ ਮੈਂਬਰਾਂ ਨੂੰ ਥਿੱਤ ਕਰ ਦਿੱਤਾ ਹੈ। ਸੋਸ਼ਲ ਮੀਡੀਆ ‘ਤੇ ਲੋਕ ਉਨ੍ਹਾਂ ਨੂੰ ਸ਼ਰਧਾਂਜਲੀ ਦੇ ਰਹੇ ਹਨ।
ਘਟਨਾ ਦੀ ਜਾਣਕਾਰੀ:
ਮੀਡੀਆ ਰਿਪੋਰਟਾਂ ਅਨੁਸਾਰ, ਰਾਕੇਸ਼ ਉਡੂਪੀ ਦੇ ਕਰਕਲਾ ਤਾਲੁਕ ਵਿਚ ਇਕ ਦੋਸਤ ਦੇ ਮਹਿੰਦੀ ਸਮਾਰੋਹ ਵਿੱਚ ਸ਼ਾਮਲ ਹੋਣ ਗਏ ਸਨ। ਹਾਲਾਂਕਿ ਉਹ ਵਿਆਹ ਵਿੱਚ ਹਿੱਸਾ ਨਹੀਂ ਲੈ ਸਕੇ ਕਿਉਂਕਿ ਰਾਤ 2 ਵਜੇ ਦੇ ਕਰੀਬ ਉਨ੍ਹਾਂ ਨੂੰ ਦਿਲ ਦਾ ਦੌਰਾ ਪਿਆ, ਜਿਸ ਨਾਲ ਉਨ੍ਹਾਂ ਦੀ ਮੌਕੇ ‘ਤੇ ਹੀ ਮੌਤ ਹੋ ਗਈ। ਸਮਾਰੋਹ ਦੌਰਾਨ ਉਨ੍ਹਾਂ ਦੀ ਇੱਕ ਤਸਵੀਰ ਵੀ ਵਾਇਰਲ ਹੋ ਰਹੀ ਹੈ, ਜਿਸ ਵਿੱਚ ਉਹ ਦੋਸਤਾਂ ਨਾਲ ਖੜੇ ਨਜ਼ਰ ਆ ਰਹੇ ਹਨ।
ਪੁਸ਼ਟੀ ਅਤੇ ਸ਼ੋਕ:
ਕਾਮੇਡੀਅਨ ਸ਼ਿਵਰਾਜ ਕੇਆਰ ਪੀਟ ਨੇ ਉਨ੍ਹਾਂ ਦੀ ਮੌਤ ਦੀ ਪੁਸ਼ਟੀ ਕੀਤੀ ਹੈ। ਉਨ੍ਹਾਂ ਨੇ ਦੱਸਿਆ ਕਿ ਰਾਕੇਸ਼ “ਕੌਂਟਰਾ 2” ਦੀ ਸ਼ੂਟਿੰਗ ਮੁਕੰਮਲ ਕਰਕੇ ਸਮਾਰੋਹ ਵਿੱਚ ਆਏ ਸਨ।
ਕਰੀਅਰ ਦੀ ਝਲਕ:
ਰਾਕੇਸ਼ ਪੁਜਾਰੀ ਕੰਨੜ ਟੀਵੀ ਦੀ ਦੁਨੀਆਂ ਵਿੱਚ ਇੱਕ ਮਸ਼ਹੂਰ ਚਿਹਰਾ ਸਨ। ਉਨ੍ਹਾਂ ਨੂੰ “ਕਾਮੇਡੀ ਖਿਲਾਡੀਲੂ ਸੀਜ਼ਨ 2” ਰਾਹੀਂ ਪਹਿਚਾਣ ਮਿਲੀ ਸੀ ਅਤੇ ਸੀਜ਼ਨ 3 ਦੇ ਜੇਤੂ ਵੀ ਬਣੇ। ਉਨ੍ਹਾਂ ਨੇ ਨਾ ਸਿਰਫ਼ ਟੀਵੀ, ਸਗੋਂ ਥੀਏਟਰ, ਕੰਨੜ ਸਿਨੇਮਾ ਅਤੇ ਤੁਲੂ ਫਿਲਮਾਂ ਵਿੱਚ ਵੀ ਆਪਣੀ ਕਾਬਲਿਯਤ ਦਾ ਲੋਹਾ ਮਨਵਾਇਆ। ਉਨ੍ਹਾਂ ਦੀਆਂ ਕੁਝ ਪ੍ਰਮੁੱਖ ਫਿਲਮਾਂ ‘ਚ “ਪੈਲਵਾਨ” ਅਤੇ “ਇੱਟੂ ਅੰਤ ਲੋਕਵਾਯ” ਸ਼ਾਮਲ ਹਨ।
