ਭਾਰਤੀਆਂ ਲਈ ਵੱਡੀ ਰਾਹਤ – USA ਦੀ ਕੋਰਟ ਨੇ ਟਰੰਪ ਦੇ ਹੁਕਮ ‘ਤੇ ਲਾਈ ਰੋਕ!
ਅਮਰੀਕਾ ਵਿੱਚ ਵੀਜ਼ਾ ਹੋਲਡਰਾਂ ਅਤੇ ਗ੍ਰੀਨ ਕਾਰਡ ਦੀ ਉਡੀਕ ਕਰ ਰਹੇ ਭਾਰਤੀ ਵਿਦਿਆਰਥੀਆਂ ਅਤੇ ਪੇਸ਼ੇਵਰਾਂ ਲਈ ਇੱਕ ਵੱਡੀ ਖ਼ਬਰ ਸਾਹਮਣੇ ਆਈ ਹੈ। USA ਦੀ ਸੀਐਟਲ ਕੋਰਟ ਨੇ ਰਾਸ਼ਟਰਪਤੀ ਡੋਨਾਲਡ ਟਰੰਪ ਵੱਲੋਂ ਜਨਮਜਾਤ ਨਾਗਰਿਕਤਾ (Birthright Citizenship) ਖਤਮ ਕਰਨ ਦੇ ਹੁਕਮ ‘ਤੇ ਅਣਮਿੱਥੇ ਸਮੇਂ ਲਈ ਪਾਬੰਦੀ ਲਗਾ ਦਿੱਤੀ ਹੈ।
ਕੋਰਟ ਨੇ ਟਰੰਪ ਦੀ ਨੀਤੀ ਨੂੰ ਕਰਾਰਾ ਝਟਕਾ ਦਿੱਤਾ
ਟਰੰਪ ਪ੍ਰਸ਼ਾਸਨ ਦੇ ਇਸ ਹੁਕਮ ਦੀ ਕੋਰਟ ਵੱਲੋਂ ਤਿੱਖੀ ਆਲੋਚਨਾ ਕੀਤੀ ਗਈ, ਜਿਸ ਤਹਿਤ ਉਹ ਅਮਰੀਕਾ ਵਿੱਚ ਜਨਮ ਲੈਣ ਵਾਲੇ ਬੱਚਿਆਂ ਦੀ ਨਾਗਰਿਕਤਾ ਖਤਮ ਕਰਨਾ ਚਾਹੁੰਦੇ ਸਨ। ਜ਼ਿਲ੍ਹਾ ਜੱਜ ਜੌਹਨ ਕੌਗਨੋਰ ਨੇ ਕੋਰਟ ਦੇ ਇਸ ਫੈਸਲੇ ਨੂੰ ਟਰੰਪ ਸਰਕਾਰ ਦੀ ਵਿਅਪਕ ਡਿਪੋਰਟੇਸ਼ਨ ਨੀਤੀ ਲਈ ਵੱਡਾ ਝਟਕਾ ਕਰਾਰ ਦਿੱਤਾ।
“ਸੰਵਿਧਾਨ ‘ਤੇ ਖੇਡ ਨਹੀਂ ਹੋ ਸਕਦੀ” – ਜੱਜ ਕਾਫਨੌਰ
ਸੀਐਟਲ ਕੋਰਟ ‘ਚ ਹੋਈ ਸੁਣਵਾਈ ਦੌਰਾਨ, ਜੱਜ ਕਾਫਨੌਰ ਨੇ ਸਖ਼ਤ ਲਹਿਜ਼ੇ ‘ਚ ਕਿਹਾ ਕਿ ਟਰੰਪ ਸੰਵਿਧਾਨ ਦੇ ਨਿਯਮਾਂ ਨੂੰ ਆਪਣੇ ਨਿੱਜੀ ਅਤੇ ਰਾਜਨੀਤਕ ਲਾਭ ਲਈ ਦਰਕਿਨਾਰ ਕਰ ਰਹੇ ਹਨ। ਉਨ੍ਹਾਂ ਕਿਹਾ, “ਕਾਨੂੰਨ ਦਾ ਸ਼ਾਸਨ ਇੱਕ ਅਜਿਹੀ ਚੀਜ਼ ਨਹੀਂ ਜੋ ਨੀਤੀਗਤ ਖੇਡਾਂ ਲਈ ਬਦਲ ਸਕੇ। ਜੇਕਰ ਸਰਕਾਰ ਜਨਮ ਅਧਿਕਾਰ ਨਾਗਰਿਕਤਾ ਦੇ ਕਾਨੂੰਨ ਵਿੱਚ ਸੋਧ ਕਰਨੀ ਚਾਹੁੰਦੀ ਹੈ, ਤਾਂ ਉਹ ਇਹ ਕੰਮ ਸੰਵਿਧਾਨ ਦੇ ਅਧੀਨ ਕਰੇ।”
ਇਸ ਤੋਂ ਪਹਿਲਾਂ ਵੀ ਹੋ ਚੁੱਕੀ ਹੈ ਨੀਤੀ ‘ਤੇ ਰੋਕ
ਇਹ ਟਰੰਪ ਪ੍ਰਸ਼ਾਸਨ ਦੀ ਡਿਪੋਰਟੇਸ਼ਨ ਨੀਤੀ ‘ਤੇ ਲਗਿਆ ਦੂਜਾ ਵੱਡਾ ਕਾਨੂੰਨੀ ਝਟਕਾ ਹੈ। ਇਸ ਤੋਂ ਪਹਿਲਾਂ, ਮੈਰੀਲੈਂਡ ਦੇ ਇੱਕ ਜੱਜ ਨੇ ਵੀ ਅਜਿਹਾ ਹੀ ਫੈਸਲਾ ਸੁਣਾਇਆ ਸੀ।
👉 ਇਹ ਫੈਸਲਾ ਵੀਜ਼ਾ ਹੋਲਡਰਾਂ, ਵਿਦਿਆਰਥੀਆਂ, ਅਤੇ ਗ੍ਰੀਨ ਕਾਰਡ ਦੀ ਉਡੀਕ ਕਰ ਰਹੇ ਭਾਰਤੀਆਂ ਲਈ ਵੱਡੀ ਰਾਹਤ ਲਿਆਉਂਦਾ ਹੈ। 🚀 ਤਾਜ਼ਾ ਅੱਪਡੇਟ ਲਈ ਜੁੜੇ ਰਹੋ! 🔥
