ਹਵਾਈ ਜਹਾਜ ਹੋਇਆ ਹਾਈਜੈਕ
ਵੈਂਕੂਵਰ, ਕੈਨੇਡਾ ਦੇ ਵੈਂਕੂਵਰ ਏਅਰਪੋਰਟ ‘ਤੇ ਉਸ ਵੇਲੇ ਹੜਕੰਪ ਮਚ ਗਿਆ ਜਦੋਂ ਇੱਕ ਵਿਮਾਨ ਹਾਈਜੈਕ ਕਰ ਲਿਆ ਗਿਆ। ਇਸ ਘਟਨਾ ਤੋਂ ਬਾਅਦ ਐਫ-15 ਲੜਾਕੂ ਜਹਾਜ਼ ਨੂੰ ਤਾਇਨਾਤ ਕੀਤਾ ਗਿਆ ਅਤੇ ਫਿਰ ਜਹਾਜ਼ ਦੀ ਸੁਰੱਖਿਅਤ ਲੈਂਡਿੰਗ ਕਰਵਾਈ ਗਈ।
ਰਾਇਲ ਕੈਨੇਡੀਅਨ ਮਾਊਂਟਡ ਪੁਲਿਸ ਨੇ ਵੀਰਵਾਰ ਨੂੰ ਦੱਸਿਆ ਕਿ 39 ਸਾਲਾ ਸ਼ਾਹੀਰ ਕਾਸਿਮ ਨਾਂ ਦੇ ਕੈਨੇਡੀਅਨ ਨਾਗਰਿਕ ‘ਤੇ ਵਿਮਾਨ ਹਾਈਜੈਕ ਕਰਨ ਅਤੇ ਆਤੰਕਵਾਦ ਨਾਲ ਸੰਬੰਧਤ ਧਾਰਾਵਾਂ ਹੇਠ ਕੇਸ ਦਰਜ ਕੀਤਾ ਗਿਆ ਹੈ।
ਇਹ ਘਟਨਾ ਕਦੋਂ ਵਾਪਰੀ?
ਇਹ ਹਾਦਸਾ ਮੰਗਲਵਾਰ ਨੂੰ ਵਾਪਰਿਆ। ਨਾਰਥ ਅਮਰੀਕਨ ਏਅਰੋਸਪੇਸ ਡਿਫੈਂਸ ਕਮਾਂਡ ਨੇ ਹਾਈਜੈਕ ਕੀਤੇ ਵਿਮਾਨ ਦੇ ਪਿੱਛੇ ਐਫ-15 ਲੜਾਕੂ ਜਹਾਜ਼ ਭੇਜਿਆ, ਜਿਸ ਤੋਂ ਬਾਅਦ ਜਹਾਜ਼ ਨੂੰ ਸੁਰੱਖਿਅਤ ਢੰਗ ਨਾਲ ਉਤਾਰਿਆ ਗਿਆ।
ਕਿਵੇਂ ਕੀਤੀ ਗਈ ਹਾਈਜੈਕਿੰਗ?
ਪੁਲਿਸ ਅਨੁਸਾਰ ਕਾਸਿਮ ਨੇ ਵਿਕਟੋਰੀਆ ਇੰਟਰਨੈਸ਼ਨਲ ਏਅਰਪੋਰਟ ‘ਤੇ ਇੱਕ ਉਡਾਣ ਟ੍ਰੇਨਰ ਨੂੰ ਧਮਕਾ ਕੇ ਇੱਕ ਸੈਸਨਾ ਵਿਮਾਨ ਹਥਿਆ ਲਿਆ ਅਤੇ ਲਗਭਗ 64 ਕਿਲੋਮੀਟਰ ਦੀ ਉਡਾਣ ਭਰਨ ਤੋਂ ਬਾਅਦ ਵੈਂਕੂਵਰ ਪਹੁੰਚ ਗਿਆ। ਜਾਂਚ ਵਿੱਚ ਪਤਾ ਲੱਗਾ ਹੈ ਕਿ ਦੋਸ਼ੀ ਨੇ ਇਹ ਕੰਮ ਇੱਕ ਵਿਚਾਰਧਾਰਕ ਮਕਸਦ ਨਾਲ ਕੀਤਾ ਸੀ ਤਾਂ ਜੋ ਹਵਾਈ ਆਵਾਜਾਈ ਨੂੰ ਰੋਕਿਆ ਜਾ ਸਕੇ।
