ਜਲੰਧਰ – ਪੰਜਾਬ ਦੇ ਵੱਖ-ਵੱਖ ਇਲਾਕਿਆਂ ਵਿੱਚ ਐਤਵਾਰ (29 ਮਾਰਚ) ਨੂੰ ਲੰਬੇ ਸਮੇਂ ਲਈ ਬਿਜਲੀ ਬੰਦ ਰਹਿਣ ਵਾਲੀ ਹੈ। ਬਿਜਲੀ ਵਿਭਾਗ ਵੱਲੋਂ ਜ਼ਰੂਰੀ ਮੁਰੰਮਤ ਦੇ ਕੰਮਾਂ ਕਰਕੇ ਇਹ ਫੈਸਲਾ ਲਿਆ ਗਿਆ ਹੈ। ਲੋਕਾਂ ਨੂੰ ਪਹਿਲਾਂ ਹੀ ਸੂਚਿਤ ਕਰ ਦਿੱਤਾ ਗਿਆ ਹੈ ਤਾਂ ਜੋ ਉਹ ਕਿਸੇ ਤਰ੍ਹਾਂ ਦੀ ਅਸੁਵਿਧਾ ਤੋਂ ਬਚ ਸਕਣ।
ਫਿਰੋਜ਼ਪੁਰ:
ਗਰਮੀ ਦੇ ਮੌਸਮ ਨੂੰ ਧਿਆਨ ਵਿੱਚ ਰੱਖਦੇ ਹੋਏ 220 ਕੇ.ਵੀ. ਸਬ ਸਟੇਸ਼ਨ ਨਾਲ ਜੁੜੇ 11 ਕੇ.ਵੀ. ਕੋਰਟ ਰੋਡ ਫੀਡਰ ’ਤੇ ਮੁਰੰਮਤ ਕੰਮ ਹੋਵੇਗਾ। ਇਸ ਕਾਰਨ 29 ਮਾਰਚ ਨੂੰ ਸਵੇਰੇ 9 ਵਜੇ ਤੋਂ ਦੁਪਹਿਰ 2 ਵਜੇ ਤੱਕ ਸੰਤ ਲਾਲ ਰੋਡ, ਬਾਬਾ ਸ਼ੇਰਸ਼ਾਹ ਵਲੀ ਚੌਕ, ਡੀ.ਸੀ. ਦਫ਼ਤਰ, ਝੋਕ ਰੋਡ ਅਤੇ ਕੋਰਟ ਕੰਪਲੈਕਸ ਸਮੇਤ ਕਈ ਇਲਾਕਿਆਂ ਵਿੱਚ ਬਿਜਲੀ ਬੰਦ ਰਹੇਗੀ।
ਜਲੰਧਰ:
66 ਕੇ.ਵੀ. ਸਰਜੀਕਲ ਕੰਪਲੈਕਸ ਸਬ ਸਟੇਸ਼ਨ ਸਵੇਰੇ 9 ਵਜੇ ਤੋਂ ਸ਼ਾਮ 4 ਵਜੇ ਤੱਕ ਬੰਦ ਰਹੇਗਾ। ਇਸ ਨਾਲ ਜੁੜੇ ਵਰਿਆਨਾ-2, ਗਾਜ਼ੀਪੁਰ, ਸੰਗਲ ਸੋਹਲ, ਜਲੰਧਰ ਕੁੰਜ ਅਤੇ ਨੀਲਕਮਲ ਫੀਡਰ ਪ੍ਰਭਾਵਿਤ ਰਹਿਣਗੇ। ਚਮੜਾ ਕੰਪਲੈਕਸ, ਵਰਿਆਨਾ ਇੰਡਸਟਰੀਅਲ ਏਰੀਆ, ਗ੍ਰੀਨ ਫੀਲਡ ਅਤੇ ਕਪੂਰਥਲਾ ਰੋਡ ਦੇ ਆਲੇ-ਦੁਆਲੇ ਦੇ ਇਲਾਕਿਆਂ ਵਿੱਚ ਬਿਜਲੀ ਸਪਲਾਈ ਪ੍ਰਭਾਵਿਤ ਰਹੇਗੀ। ਇਸ ਤੋਂ ਇਲਾਵਾ, ਫ੍ਰੈਂਡਸ ਫੀਡਰ (ਕੈਟ-2) ਵੀ ਸਵੇਰੇ 10 ਵਜੇ ਤੋਂ ਸ਼ਾਮ 4 ਵਜੇ ਤੱਕ ਬੰਦ ਰਹੇਗਾ।
ਲੁਧਿਆਣਾ:
66 ਕੇ.ਵੀ. ਅਮਲਤਾਸ ਫੀਡਰ ਦੀ ਮੁਰੰਮਤ ਕਰਕੇ 11 ਕੇ.ਵੀ. ਲੌਰਕ, ਭੱਟੀਆਂ, ਜੈਨ, ਗਿਰਨਾਰ, ਗੁਰੂ ਹਰਿ ਰਾਇ ਅਤੇ ਔਕਟੈਂਟਸ ਫੀਡਰਾਂ ਨਾਲ ਜੁੜੇ ਇਲਾਕਿਆਂ ਵਿੱਚ ਸਵੇਰੇ 10 ਵਜੇ ਤੋਂ ਸ਼ਾਮ 6 ਵਜੇ ਤੱਕ ਬਿਜਲੀ ਸਪਲਾਈ ਪ੍ਰਭਾਵਿਤ ਰਹੇਗੀ।
ਬੰਗਾ:
220 ਕੇ.ਵੀ. ਸਬ ਸਟੇਸ਼ਨ ਬੰਗਾ ’ਤੇ ਤਾਰਾਂ ਦੀ ਬਦਲੀ ਕਾਰਨ ਸ਼ਹਿਰੀ ਨੰਬਰ 1, 2 ਅਤੇ 3 ਫੀਡਰਾਂ ਦੀ ਸਪਲਾਈ ਸਵੇਰੇ 9 ਵਜੇ ਤੋਂ ਸ਼ਾਮ 6 ਵਜੇ ਤੱਕ ਬੰਦ ਰਹੇਗੀ। ਇਸ ਨਾਲ ਬੰਗਾ ਸ਼ਹਿਰ, ਮੁਕਤਪੁਰਾ, ਜੈਨ ਕਾਲੋਨੀ, ਨਵਾਂਸ਼ਹਿਰ ਰੋਡ, ਰੇਲਵੇ ਰੋਡ ਅਤੇ ਹੋਰ ਕਈ ਇਲਾਕੇ ਪ੍ਰਭਾਵਿਤ ਰਹਿਣਗੇ।
ਬਿਜਲੀ ਵਿਭਾਗ ਨੇ ਲੋਕਾਂ ਨੂੰ ਸਹਿਯੋਗ ਦੀ ਅਪੀਲ ਕਰਦੇ ਹੋਏ ਕਿਹਾ ਹੈ ਕਿ ਇਹ ਕੰਮ ਭਵਿੱਖ ਵਿੱਚ ਬਿਹਤਰ ਸਪਲਾਈ ਯਕੀਨੀ ਬਣਾਉਣ ਲਈ ਕੀਤੇ ਜਾ ਰਹੇ ਹਨ।
