ਸ੍ਰੀ ਮੁਕਤਸਰ ਸਾਹਿਬ :
ਇੰਜੀ. ਬਲਜੀਤ ਸਿੰਘ, ਉਪ ਮੰਡਲ ਅਫ਼ਸਰ ਸਬ-ਡਵੀਜ਼ਨ ਬਰੀਵਾਲਾ ਅਤੇ ਸਿਟੀ ਸਬ-ਡਵੀਜ਼ਨ ਸ੍ਰੀ ਮੁਕਤਸਰ ਸਾਹਿਬ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ 3 ਜਨਵਰੀ ਨੂੰ 132 ਕੇ.ਵੀ. ਸਬ-ਸਟੇਸ਼ਨ ਸ੍ਰੀ ਮੁਕਤਸਰ ਸਾਹਿਬ ’ਤੇ ਸਵੇਰੇ 8 ਵਜੇ ਤੋਂ ਦੁਪਹਿਰ 12 ਵਜੇ ਤੱਕ ਸ਼ਟਡਾਊਨ ਰਹੇਗੀ। ਇਸ ਦੌਰਾਨ 66 ਕੇ.ਵੀ. ਸਬ-ਸਟੇਸ਼ਨ ਭੁੱਟੀਵਾਲਾ ਅਤੇ ਮਲੋਟ ਰੋਡ ਤੋਂ ਚੱਲਦੇ ਬੱਸ ਸਟੈਂਡ, ਮਲੋਟ ਰੋਡ, ਅਬੋਹਰ ਰੋਡ, ਬੱਲਮਗੜ੍ਹ, ਤਰਨਤਾਰਨ ਸਾਹਿਬ, ਮੁਕਤੇ ਮੀਨਾਰ, ਸਿਵਲ ਹਸਪਤਾਲ, ਡਿਸਪੋਜਲ ਫੀਡਰਾਂ ਦੇ ਨਾਲ-ਨਾਲ ਟਾਊਨ, ਦਰਬਾਰ ਸਾਹਿਬ, ਰੇਲਵੇ ਰੋਡ, ਪਾਰਕ ਡਿਸਪੋਜਲ, ਬਠਿੰਡਾ ਰੋਡ, ਗੋਨਿਆਣਾ ਰੋਡ, ਗੁਰਦੇਵ ਵਿਹਾਰ, ਨਿਊ ਕੋਟਕਪੂਰਾ ਰੋਡ ਅਤੇ ਡੀ.ਕੇ.ਐੱਸ. ਇਨਕਲੇਵ ਦੀ ਬਿਜਲੀ ਸਪਲਾਈ ਪ੍ਰਭਾਵਿਤ ਰਹੇਗੀ।
ਜ਼ੀਰਕਪੁਰ :
66 ਕੇ.ਵੀ. ਭਬਾਤ ਗਰਿੱਡ ਤੋਂ ਨਿਕਲਦੇ 11 ਕੇ.ਵੀ. ਅਲੀਪੁਰ, ਐੱਮ.ਈ.ਐੱਸ., ਅੱਡਾ ਝੂੰਗੀਆਂ, ਰਾਮਪੁਰ ਕਲਾਂ ਅਤੇ ਨੰਡਿਆਲੀ ਫੀਡਰਾਂ ’ਤੇ ਜ਼ਰੂਰੀ ਮੁਰੰਮਤ ਕਾਰਨ 3 ਜਨਵਰੀ ਨੂੰ ਸਵੇਰੇ 10 ਵਜੇ ਤੋਂ ਸ਼ਾਮ 4 ਵਜੇ ਤੱਕ ਬਿਜਲੀ ਸਪਲਾਈ ਬੰਦ ਰਹੇਗੀ। ਇਸ ਨਾਲ ਐੱਮ.ਈ.ਐੱਸ. ਏਅਰ ਫੋਰਸ ਸਟੇਸ਼ਨ, ਪਿੰਡ ਛੱਤ, ਰਾਮਪੁਰ ਕਲਾਂ, ਦਿਆਲਪੁਰਾ ਅਤੇ ਨੇੜਲੇ ਇਲਾਕਿਆਂ ਦੇ ਬਾਜ਼ਾਰ ਪ੍ਰਭਾਵਿਤ ਰਹਿਣਗੇ।
ਮੁੱਲਾਂਪੁਰ ਦਾਖਾ :
66 ਕੇ.ਵੀ. ਗਰਿੱਡ ਅੱਡਾ ਦਾਖਾ ’ਤੇ ਜ਼ਰੂਰੀ ਮੁਰੰਮਤ ਦੇ ਚਲਦੇ 3 ਜਨਵਰੀ ਨੂੰ ਸਵੇਰੇ 11 ਵਜੇ ਤੋਂ ਸ਼ਾਮ 5 ਵਜੇ ਤੱਕ ਬਿਜਲੀ ਬੰਦ ਰਹੇਗੀ। ਐਕਸੀਅਨ ਰਵੀ ਚੋਪੜਾ ਨੇ ਦੱਸਿਆ ਕਿ ਦਾਖਾ ਸ਼ਹਿਰੀ, ਹਵੇਲੀ, ਮੁਸ਼ਕੀਆਣਾ ਸਾਹਿਬ, ਅਜੀਤਸਰ, ਰੁੜਕਾ, ਭਨੋਹੜ, ਆਈ.ਟੀ.ਬੀ.ਪੀ., ਮੋਹੀ, ਬੱਦੋਵਾਲ ਅਤੇ ਹਸਨਪੁਰ ਆਦਿ ਫੀਡਰਾਂ ਤੋਂ ਸਪਲਾਈ ਪ੍ਰਭਾਵਿਤ ਰਹੇਗੀ।
ਮਾਛੀਵਾੜਾ ਸਾਹਿਬ :
66 ਕੇ.ਵੀ. ਮਾਛੀਵਾੜਾ ਸਾਹਿਬ ਅਤੇ ਹੇਡੋਂ ਬੇਟ ਗਰਿੱਡ ਤੋਂ ਚੱਲਦੀ ਬਿਜਲੀ ਸਪਲਾਈ 3 ਜਨਵਰੀ ਨੂੰ ਬੰਦ ਰਹੇਗੀ। ਐੱਸ.ਡੀ.ਓ. ਅਮਰਜੀਤ ਸਿੰਘ ਨੇ ਦੱਸਿਆ ਕਿ ਮੇਨ ਲਾਈਨ ਨੂੰ ਡਬਲ ਸਰਕਟ ਕਰਨ ਦੇ ਕੰਮ ਕਾਰਨ ਸਵੇਰੇ 9 ਵਜੇ ਤੋਂ ਸ਼ਾਮ 6 ਵਜੇ ਤੱਕ ਸ਼ਟਡਾਊਨ ਰਹੇਗੀ, ਜੋ ਕੰਮ ਦੇ ਅਨੁਸਾਰ ਘੱਟ-ਵੱਧ ਹੋ ਸਕਦੀ ਹੈ।
ਲਹਿਰਾਗਾਗਾ :
ਪੀ.ਐੱਸ.ਪੀ.ਸੀ.ਐੱਲ. ਦੇ ਐੱਸ.ਡੀ.ਓ. (ਸ਼ਹਿਰੀ) ਸ਼ਰਨਜੀਤ ਸਿੰਘ ਚਹਿਲ ਨੇ ਦੱਸਿਆ ਕਿ ਬਿਜਲੀ ਸੁਧਾਰ ਕੰਮਾਂ ਕਾਰਨ 66 ਕੇ.ਵੀ. ਗਰਿੱਡ ਲਹਿਰਾਗਾਗਾ ਤੋਂ ਚੱਲਦੇ 11 ਕੇ.ਵੀ. ਮਸਤ ਰਾਮ ਕੈਟਾਗਰੀ-1 ਫੀਡਰ ਦੀ ਸਾਲਾਨਾ ਮੁਰੰਮਤ ਲਈ 3 ਜਨਵਰੀ ਨੂੰ ਸਵੇਰੇ 9 ਤੋਂ ਸ਼ਾਮ 5 ਵਜੇ ਤੱਕ ਖਾਈ ਬਸਤੀ, ਖਾਈ ਪਿੰਡ ਅਤੇ ਪੰਜਾਬੀ ਬਾਗ ਕਾਲੋਨੀ ਵਿੱਚ ਬਿਜਲੀ ਬੰਦ ਰਹੇਗੀ।
ਬਨੂੜ :
ਐੱਸ.ਡੀ.ਓ. ਬਨੂੜ ਮੇਜਰ ਸਿੰਘ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ 3 ਜਨਵਰੀ ਸ਼ਨੀਵਾਰ ਨੂੰ ਬਨੂੜ ਅਰਬਨ-1, ਵੀਨਸਟ ਲੈਬ ਅਤੇ ਹੁਲਕਾ ਯੂ.ਪੀ.ਐੱਸ. ਫੀਡਰਾਂ ’ਤੇ ਜ਼ਰੂਰੀ ਮੁਰੰਮਤ ਕਾਰਨ ਸਵੇਰੇ 10 ਤੋਂ ਸ਼ਾਮ 4 ਵਜੇ ਤੱਕ ਬਿਜਲੀ ਸਪਲਾਈ ਠੱਪ ਰਹੇਗੀ।
ਟਾਂਡਾ ਉੜਮੁੜ :
66 ਕੇ.ਵੀ. ਮਿਆਣੀ ਸਬ-ਡਵੀਜ਼ਨ ਲਾਈਨ ਦੀ ਜ਼ਰੂਰੀ ਮੁਰੰਮਤ ਕਾਰਨ 3 ਜਨਵਰੀ ਨੂੰ ਮਿਆਣੀ ਗਰਿੱਡ ਤੋਂ ਚੱਲਦੇ ਸਾਰੇ 11 ਕੇ.ਵੀ. ਫੀਡਰ ਸਵੇਰੇ 10 ਤੋਂ ਸ਼ਾਮ 4 ਵਜੇ ਤੱਕ ਬੰਦ ਰਹਿਣਗੇ। ਇਹ ਜਾਣਕਾਰੀ ਸਹਾਇਕ ਕਾਰਜਕਾਰੀ ਇੰਜੀਨੀਅਰ ਅਭਿਸ਼ੇਕ ਕੁਮਾਰ ਨੇ ਦਿੰਦਿਆਂ ਲੋਕਾਂ ਤੋਂ ਸਹਿਯੋਗ ਦੀ ਅਪੀਲ ਕੀਤੀ ਹੈ।
ਨੂਰਪੁਰਬੇਦੀ :
ਵਧੀਕ ਸਹਾਇਕ ਇੰਜੀਨੀਅਰ ਕੁਲਵਿੰਦਰ ਸਿੰਘ ਨੇ ਦੱਸਿਆ ਕਿ ਬਿਜਲੀ ਲਾਈਨਾਂ ਦੀ ਮੁਰੰਮਤ ਅਤੇ ਦਰੱਖਤਾਂ ਦੀ ਕਟਾਈ ਸਬੰਧੀ ਪਰਮਿਟ ਅਨੁਸਾਰ 3 ਜਨਵਰੀ ਨੂੰ 11 ਕੇ.ਵੀ. ਝਾਂਡੀਆਂ ਫੀਡਰ ਅਧੀਨ ਆਉਂਦੇ ਧਮਾਣਾ, ਗਰੇਵਾਲ, ਨੌਧੇਮਾਜਰਾ, ਨੀਲੀ ਰਾਜਗਿਰੀ, ਗੋਲੂਮਾਜਰਾ, ਜਟਵਾਹੜ, ਝਾਂਡੀਆਂ ਕਲਾਂ, ਝਾਂਡੀਆਂ ਖੁਰਦ, ਟਿੱਬਾ ਨੰਗਲ, ਬਾਲੇਵਾਲ ਅਤੇ ਬਾਹਮਣਮਾਜਰਾ ਪਿੰਡਾਂ ਦੀ ਬਿਜਲੀ ਸਪਲਾਈ ਸਵੇਰੇ 10 ਤੋਂ ਸ਼ਾਮ 4 ਵਜੇ ਤੱਕ ਬੰਦ ਰਹੇਗੀ। ਕੰਮ ਦੇ ਚਲਦੇ ਸਮੇਂ ਵਿੱਚ ਤਬਦੀਲੀ ਸੰਭਵ ਹੈ।
ਨਵਾਂਸ਼ਹਿਰ :
ਸ਼ਹਿਰੀ ਸਬ-ਡਵੀਜ਼ਨ ਨਵਾਂਸ਼ਹਿਰ ਦੇ ਸਹਾਇਕ ਇੰਜੀਨੀਅਰ ਨੇ ਦੱਸਿਆ ਕਿ 66 ਕੇ.ਵੀ. ਸਬ-ਸਟੇਸ਼ਨ ਤੋਂ ਚੱਲਦੇ 11 ਕੇ.ਵੀ. ਬੇਗਮਪੁਰ ਫੀਡਰ ਦੀ ਜ਼ਰੂਰੀ ਮੈਂਟੀਨੈਂਸ ਕਾਰਨ 3 ਜਨਵਰੀ 2026 ਨੂੰ ਸਵੇਰੇ 10 ਤੋਂ ਦੁਪਹਿਰ 3 ਵਜੇ ਤੱਕ ਬਿਜਲੀ ਸਪਲਾਈ ਬੰਦ ਰਹੇਗੀ, ਜਿਸ ਨਾਲ ਬੇਗਮਪੁਰ, ਖਾਰਾ ਕਾਲੋਨੀ, ਰਾਹੋਂ ਰੋਡ, ਕਰਿਆਮ ਰੋਡ, ਕੇ.ਸੀ. ਅਸਟੇਟ ਅਤੇ ਨੇੜਲੇ ਇਲਾਕੇ ਪ੍ਰਭਾਵਿਤ ਹੋਣਗੇ।
