ਇਸ ਵਾਰ ਦੀ ਦਿਵਾਲੀ ਦੋ ਦਿਨ — ਸੋਮਵਾਰ ਅਤੇ ਮੰਗਲਵਾਰ — ਮਨਾਈ ਗਈ, ਪਰ ਦੋਵੇਂ ਦਿਨ ਪਟਾਕਿਆਂ ਦੇ ਧੂਏਂ ਨੇ ਸ਼ਹਿਰ ਦੀ ਹਵਾ ਦੀ ਗੁਣਵੱਤਾ ਨੂੰ ਗੰਭੀਰ ਤੌਰ ‘ਤੇ ਪ੍ਰਭਾਵਿਤ ਕੀਤਾ। ਪਟਾਕਿਆਂ ਤੋਂ ਨਿਕਲਣ ਵਾਲੇ ਜ਼ਹਿਰੀਲੇ ਧੂੰਏਂ ਕਾਰਨ ਪ੍ਰਦੂਸ਼ਣ ਪੱਧਰ ਖਤਰਨਾਕ ਹੱਦ ਤੱਕ ਪਹੁੰਚ ਗਿਆ ਅਤੇ ਏਅਰ ਕੁਆਲਿਟੀ ਇੰਡੈਕਸ (AQI) 500 ਤੋਂ ਵੱਧ ਦਰਜ ਕੀਤਾ ਗਿਆ।
ਕੇਂਦਰੀ ਪ੍ਰਦੂਸ਼ਣ ਕੰਟਰੋਲ ਬੋਰਡ ਦੇ ਅੰਕੜਿਆਂ ਅਨੁਸਾਰ, ਸੋਮਵਾਰ ਰਾਤ 9 ਵਜੇ AQI 269 ਸੀ, ਜਦਕਿ ਮੰਗਲਵਾਰ ਸਵੇਰੇ 10 ਵਜੇ ਤੋਂ 1 ਵਜੇ ਤੱਕ ਇਹ 500 ਦੇ ਪੱਧਰ ‘ਤੇ ਰਿਹਾ। ਸਵੇਰੇ 2 ਵਜੇ ਤੱਕ ਵੀ AQI 500 ਦਰਜ ਕੀਤਾ ਗਿਆ, ਜਿਸ ਤੋਂ ਬਾਅਦ 3 ਵਜੇ ਇਹ 417 ਤੇ 6 ਵਜੇ ਘਟ ਕੇ 329 ਹੋ ਗਿਆ।
ਇਸਦੇ ਨਾਲ ਹੀ, ਏਅਰ ਕੁਆਲਿਟੀ ਮਾਨੀਟਰਿੰਗ ਵੈਬਸਾਈਟ ਦੇ ਅੰਕੜਿਆਂ ਮੁਤਾਬਕ ਸੋਮਵਾਰ ਰਾਤ 10 ਵਜੇ AQI 620, 11 ਵਜੇ 716, ਅੱਧੀ ਰਾਤ 12 ਵਜੇ 650, 1 ਵਜੇ 550 ਅਤੇ 2 ਵਜੇ 753 ਤੱਕ ਪਹੁੰਚ ਗਿਆ ਸੀ।
ਇਸ ਭਾਰੀ ਪ੍ਰਦੂਸ਼ਣ ਕਾਰਨ ਸਵੇਰੇ ਸੂਰਜ ਚੜ੍ਹਨ ਤੋਂ ਪਹਿਲਾਂ ਖੇਤਰਾਂ ਉੱਤੇ ਮੋਟੀ ਧੁੰਦ ਦੀ ਚਾਦਰ ਛਾਈ ਰਹੀ। ਦਿਨ ਦੇ ਸਮੇਂ ਹਵਾ ਕੁਝ ਹੱਦ ਤੱਕ ਸਾਫ਼ ਹੋਈ, ਪਰ ਸ਼ਾਮ 6 ਵਜੇ ਤੋਂ ਬਾਅਦ ਦੁਬਾਰਾ ਪਟਾਕੇ ਚਲਾਉਣ ਨਾਲ AQI ਦਾ ਪੱਧਰ ਫਿਰ ਵਧ ਗਿਆ।
ਦੂਜੇ ਪਾਸੇ, ਮੌਸਮ ਵਿਭਾਗ ਨੇ ਅਗਲੇ ਛੇ ਦਿਨਾਂ ਲਈ ਸਾਫ਼ ਮੌਸਮ ਦੀ ਸੰਭਾਵਨਾ ਜਤਾਈ ਹੈ। ਧੁੱਪ ਕਾਰਨ ਤਾਪਮਾਨ ਵਿੱਚ ਥੋੜ੍ਹਾ ਵਾਧਾ ਹੋ ਸਕਦਾ ਹੈ, ਹਾਲਾਂਕਿ ਸਵੇਰ ਅਤੇ ਸ਼ਾਮ ਦੇ ਸਮੇਂ ਮੌਸਮ ਠੰਢਾ ਰਹੇਗਾ।
