ਡਿਪਟੀ ਕਮਿਸ਼ਨਰ ਅਮਿਤ ਕੁਮਾਰ ਪੰਚਾਲ ਨੇ ਹੜ੍ਹ ਅਤੇ ਭਾਰੀ ਬਾਰਿਸ਼ ਕਾਰਨ ਬਣੇ ਹਾਲਾਤਾਂ ਨੂੰ ਧਿਆਨ ਵਿੱਚ ਰੱਖਦਿਆਂ ਹੁਕਮ ਜਾਰੀ ਕੀਤਾ ਹੈ ਕਿ ਜ਼ਿਲ੍ਹਾ ਕਪੂਰਥਲਾ ਦੇ ਕੁੱਲ 28 ਸਰਕਾਰੀ ਸਕੂਲ 11 ਅਤੇ 12 ਸਤੰਬਰ 2025 ਨੂੰ ਬੰਦ ਰਹਿਣਗੇ। ਇਹ ਫੈਸਲਾ ਜ਼ਿਲ੍ਹਾ ਸਿੱਖਿਆ ਅਧਿਕਾਰੀ (ਸੈਕੰਡਰੀ/ਐਲੀਮੈਂਟਰੀ) ਵੱਲੋਂ ਮਿਲੀਆਂ ਰਿਪੋਰਟਾਂ ਅਤੇ ਸਿਫਾਰਸ਼ਾਂ ਦੇ ਆਧਾਰ ’ਤੇ ਕੀਤਾ ਗਿਆ ਹੈ।
ਬੰਦ ਰਹਿਣ ਵਾਲਿਆਂ ਸਕੂਲਾਂ ਵਿੱਚ ਜੀ.ਐੱਚ.ਐੱਸ. ਬਾਊਪੁਰ ਜਦੀਦ, ਜੀ.ਐੱਮ.ਐੱਸ. ਮੰਡ ਇੰਦਰਪੁਰ, ਜੀ.ਐੱਚ.ਐੱਸ. ਅੰਮ੍ਰਿਤਪੁਰ ਰਾਜੇਵਾਲ, ਜੀ.ਐੱਚ.ਐੱਸ. ਲੱਖ ਵਰਿਆਹ, ਜੀ.ਐੱਮ.ਐੱਸ. ਬਾਜਾ, ਜੀ.ਐੱਚ.ਐੱਸ. ਪੰਡੋਰੀ, ਜੀ.ਐੱਮ.ਐੱਸ. ਚਕੋਕੀ, ਜੀ.ਐੱਮ.ਐੱਸ. ਮਿਆਣੀ ਬਾਕਰਪੁਰ, ਜੀ.ਐੱਮ.ਐੱਸ. ਹੰਬੋਵਾਲ, ਜੀ.ਐੱਮ.ਐੱਸ. ਮਲਕਪੁਰ, ਜੀ.ਐੱਮ.ਐੱਸ. ਹੁਸੈਨਪੁਰ, ਜੀ.ਐੱਮ.ਐੱਸ. ਭੇਟ, ਜੀ.ਐੱਚ.ਐੱਸ. ਕਾਲਾ ਸੰਘਿਆਂ ਗਰਲਸ ਅਤੇ ਕਈ ਹੋਰ ਪ੍ਰਾਈਮਰੀ ਸਕੂਲਾਂ (ਸਪ੍ਰਸ ਚਿਰਾਗਵਾਲਾ, ਕੰਮੇਵਾਲਾ, ਕੋਠੇ ਕਾਲਾ ਸਿੰਘ, ਕੋਠੇ ਚੇਤਾ ਸਿੰਘ, ਲੱਖ ਵਰਿਆ, ਆਹਲੀ ਖੁਰਦ, ਬਾਊਪੁਰ, ਨੂਰੋਵਾਲ, ਮੁੱਲਾਕਲਾਂ, ਮੁਕਤਰਾਮਵਾਲਾ, ਰਣਧੀਰਪੁਰ, ਧੱਕੜਾਂ, ਕੂਕਾ, ਮੰਡ ਸਰਦਾਰ ਸਾਹਿਬ ਵਾਲਾ, ਤਾਜਪੁਰ ਆਦਿ) ਸ਼ਾਮਲ ਹਨ।
ਡਿਪਟੀ ਕਮਿਸ਼ਨਰ ਨੇ ਕਿਹਾ ਕਿ ਇਹ ਕਦਮ ਵਿਦਿਆਰਥੀਆਂ ਦੀ ਸੁਰੱਖਿਆ ਨੂੰ ਪ੍ਰਾਥਮਿਕਤਾ ਦਿੰਦੇ ਹੋਏ ਚੁੱਕਿਆ ਗਿਆ ਹੈ ਅਤੇ ਸਿੱਖਿਆ ਵਿਭਾਗ ਦੇ ਅਧਿਕਾਰੀਆਂ ਨੂੰ ਬੱਚਿਆਂ ਦੀ ਪੂਰੀ ਸੁਰੱਖਿਆ ਯਕੀਨੀ ਬਣਾਉਣ ਲਈ ਹਦਾਇਤ ਕੀਤੀ ਗਈ ਹੈ।
